Ова се едни од највкусните плескавици што ги имам пробано. Не мирисаат, лесни за јадење и може да стојат во фрижидер  да ги згреете и јадете наредниот ден. Топло ви ги препорачувам. Јас и откако ќе завршам со овие две недели ќе си продолжам со овие превкусни плескавици. Леле ич не ми се допаѓа зборов плескавици ама ајде. Овде ги викаат Котлети некако поубав е зборот. ахаха.

Состојки за 9 плескавици, јас ги јадев 2 дена само јас.

• зелена леќа 1 шоља
• млад кромид може и стар
• среден морков
• 3 чешниња лук
• копар цела китка, може и магдонос но копарот им дава еден преубав вкус.
• сол и бибер по вкус
• малку масло маслиново
• 1,5-2 лажици брашно (користев од цело зрно)

Подготовка:

1. Навечер покиснете ја леќата или минимум 4-5 часа пред да почнете со подготовка
2. Водата фрлете ја и измијте ја леќата
3. младиот или стар кромид малку пропржете го на тава а и не мора
4. леќата сомелете ја во машина за месо или сецко со се морковот. Јас овој пат користев сецко супер излезе.
5. додадете го лукот, сол, бибер, брашното и измешајте. Битно е да не претерате со брашното ќе неможете да ги направите како плескавици ќе ви се распаѓаат, ќе се суви.
6. Правиме со мокри раце плескавици ги ставаме во тава со малку масло ги пропржуваме од двете страни да фатат жолто златна боја
7. додаваме малку вода во тавата и ги покриваме со капак да се обарат на 10 минути

На здравјеееее.

Пишете ако правите и тагнете ја @mojafitneessmama ако ви се допаднале :))))